სექვენციური ემულატორი – მე–6 კლასი

შეესაბამება სტანდარტებს: ISO 11140–1:2014; ISO 15223-1; ISO 13485 (შესაბამისობის დეკლარაცია იხილეთ დოკუმენტის ბოლოში)

Sterintech^TM მე–6 კლასის ემულატორი პაკეტშიდა გამოყენების ქიმიური ინდიკატორია, რომლის საშუალებითაც ფასდება იმ სივრცის სტერილიზაციის პირობებთან შესაბამისაობა, სადაც იგია განთავსებული. იგი ინფორმატიულია, როგორც სასტერილიზაციოში, ასევე საოპერაციოში მომუშავე პერსონალისთვის. Sterintech^TM მე–6 კლასის ემულატორი შექმნილია ISO 11140-1 სტანდარტის შესაბამისად და ფერს იცვლის სრულად მხოლოდ იმ შემთხვევაში, როცა სტერილიზაციის ტემპერატურა, დრო და სატურირებული ორთქლის კომბინაცია შეესაბამება სტერილიზაციის პირობებს. შესაბამისად ეს ინდიკატორი განკუთვნილია შემდეგი ხარვეზების აღმოსაჩენად:

• სტერილიზაციის ტემპერატურა დაბალია ან პირიქით ძალზედ მაღალია
• სტერილიზაციის დრო არასაკმარისია ან პირიქით ძალზედ ხანგრძლივია
• გასასტერილებელ მიდამოში (პაკეტში, ბიქსში და ა.შ.) ორთქლის არასაკმარისი შეღწევადობაა.

საოპერაციოში (ან სამანიპულაციოში) პაკეტის გახსნისას, პერსონალის მიერ ხდება ინდიკატორის ფერის შეფასება და შედეგების შეტანა ოპერაციის ოქმში ან პაციენტის ისტორიაში (საჭიროების შემთხვევაში შეიძლება საჭირო გახდეს ზემოაღნიშნულ დოკუმენტში ინდიკატორის ჩაკვრაც _ ლოკალური კანონმდებლობის მიხედვით).

Sterintech^TM მე–6 კლასის ემულატორი იწარმოება ISO 13485 სტანდარტების სრული დაცვით შიდა აუდიტის 6 თვიანი და გარე აუდიტის 12 თვიანი შუალედებით.

SP MEDIKAL–ის მიერ წარმოებული ყველა პროდუქტი დახარისხებულია სერიული ნომრებით და წარმოების ფაილები საწარმოში ინახება 10 წლის განმავლობაში.